Врапчињата долетаа кај своите другарчиња

img_8758-e1496875653783.jpg

Денес дел од екипата на „Ние Врапчињата“  се претстави пред дечињата со посебни образовни потреби кои учат во нашето училиште „Климент Охридски“.

Врапчињата беа среќни што можат да се подружат со своите другарчиња и соученици и да ја споделат својата радост.

Учество на Драмски аматерски фестивал во Кочани

 

IMG_8682.JPGНа 30 мај драмската дружина „Заедно можеме најдобро“ учествуваше на 53 – от Драмски аматерски фестивал во Кочани. Трите училишта (ООУ „Климент Охридски“, ООУ „Добре Јованоски“ и ЦОУ „Лирија“ – Житоше) заедно по втор пат се претставија пред преполна сала со ученици од одделенска настава од пет училишта од Кочани.

Текстот „Ние – Врапчињата“ е произлезен од романот на бугарскиот автор Јордан Радичков и од неговата досетлива критика на општеството и на луѓето.

Она што Радичков – балканскиот Егзипери, го прави со врапчињата, е обид да се направи и со оваа претстава: една приказна – две читања: детско и алегориско.

Врапчињата сме сите ние. А она што се игра е нашето општество. Случките кои се случуваат не се воопшто случајни, напротив – видени се многупати и голем дел од нас биле директни учесници во нив.

Како што Радичков ги критикува појавите и конкретните карактери преку дејствувањата на врапчињата, така и ние, низ претставата допираме до сериозни теми: етнички предрасуди, стереотипи, социјална дискриминација, дијаспора, брзо стекнување слава без особен труд, патријархален модел…

Процесот на раснење:

  • Проектот „Поддршка на процесот на интегрирано образование“ започна во август 2016 год. (Овој проект ги јакне училиштата и ја зголемува јавната поддршка за меѓуетничката интеграција во образованието, дава придонес кон мирот и стабилноста на државата).
  • Наставниците имаа четири обуки (15 дена) во кои беа сензибилизирани и обучени во полето на изградба на мир: работа на себе си и методологија за работа во училница.
  • Двете училишта: „Климент Охридски“ и „Лирија“ воспоставија партнерство и имаа средби и состаноци во кои ги дефинираа активностите.
  • Интегрираниот еко-ден и театарската претстава „Ние – Врапчињата“ беа две главни активности кои се договорија.
  • Училиштата избраа театарски дружини и вклучија уште едно училиште („Добре Јованоски“) и така се создаде театарската дружина „ЗАЕДНО МОЖЕМЕ НАЈДОБРО“.
  • Театарските групи имаа многу заеднички средби во кои се запознаваа, се дружеа и ја вежбаа претставата.
  • Премиерата беше изведена на 30 април 2017 г. во с. Долнени.

 

По претставата сите учесници (23 ученици, наставници и соработници) разговара со селекторот на фестивалот Дарко Јан Спасов кој го поздрави проектот „Поддршка на интегрираното образование“ и го пофали дизајнот на плакатот и летокот.

Разговорот со учениците беше конструктивен, полн со совети и идеи како поубаво да изгледа претставата.

Чест е да се учествува на една ваква манифестација. Огромен е успехот на трите училишта во она што го зацртаа како цел. Дечињата имаа можност да се дружат повторно и да бидат уште подобри од претходниот пат.

This slideshow requires JavaScript.

Театарската претстава „Ние  – Врапчињата“ има уште два настапи, во Прилеп и Скопје.

 

ТЕАТАРСКА ПРЕТСТАВА „НИЕ-ВРАПЧИЊАТА“

ввв

Кога прв пат го прочитав романот „Ние – Врапчињата“ од Јордан Радичков, бев восхитена. Еве го Балканскиот Егзипери  – си реков. И посакав еден ден да ја поставам на сцена. Тој мој животен сон, еден од многуте –  ми се оствари. Благодарение на проектот „Поддршка на процесот на интегрирано образование во училиштата“ јас имав можност да го реализирам сонот. И тој сон беше уште поубав, бидејќи не го направив сама. Со мене, рамо до рамо стоеја колегите: Аднан Мехмети, Ирмела Папиќ, Јусуф Синани, Моника Богданоска, Дарко Јовески и Панде Магдеска – Николоска.

Исто така, тука се и дечињата кои сами ги сечеа парчињата, сами ги кроеја крилјата, сечеа хартија, лепеа, правеа врапчиња, смислуваа сцени, глумеа, остануваа до доцна на училиште… Благодарност и до Башким Керими, Евгенија Башеска и еден куп дечиња кои ни помогна со костимите; благодарност и до Влатко Николоски и Сара Нинеска – кои ја оживеаја сцената.

Оваа екипа од ентузијасти координираше 23 ученици од три училишта. ООУ „Климент Охридски“, ЦОУ „Лирија“ – Житоше и ООУ „Добре Јованоски“.

Поминавме месеци макотрпна работа. Заеднички средби во кои дечињата се запознаваа, се дружеа, градеа мостови и покажуваа дека можеме заедно да живееме. Релацијата Житоше- Прилеп – Долнени изроди многу заеднички средби полни со радост и убавина.

IMG_8176

Дечињата во целиот процес покажаа дека можеме заедно да направиме нешто што ќе биде убаво само ако нЕ има сите задно!

Неизмерно сум благодарна и на поддршката на „Мировна акција“, на Боро, Горан, Емрах, на скапоценото искуство на актерот Александар Тодески, кој е најмногу заслужен што овие дечиња блескаа на сцената. Им благодарам на сите дечиња и родители што дојдоа, и што нЕ поддржаа.

Ја оживеавме заборавената сала во Долнени. Мислам дека и таа се радуваше на чврчорењето на врапчињата.

This slideshow requires JavaScript.

Се надеваме дека овој проект нема да згасне овде, дека ќе нЕ има барем уште неколку пати, бидејќи овие деца освен тоа што ја оставаат на театарските штици енергијата, тие ја иссцртуваат иднината на оваа земја, ги разобличуваат стереотипите, ги рушат предрасудите,  покажуваат како треба да се живее!

Драмската секција учествуваше во меѓународниот проект „Ноќ со Андерсен“

5

This slideshow requires JavaScript.

Во рамките на меѓународниот проект „Ноќ со Андерсен“, оваа година нашето училиште реализира многу активности. Дел од нив беа направени од учениците од драмската секција. Првичната идеја беше да се читаат бајките и да се драматизираат. Дваесет мотивирани ученици беа поделени во пет групи. Секоја група доби различна приказна и имаше задача да смисли сценарио според кое ќе ја претстави бајката со драматизација.

Групите беа составени од: 1.Андријана Мирческа, 2. Веселина Јованоска, 3. Филип Крстески, 4. Васе Колароска, 5. Михаела Јанеска, 6. Елена Павлеска, 7. Мила Ристеска, 8. Леонид Мирчески, 9. Лука Дачески, 10. Александар Мрмески, 11. Никола Илијоски, 12. Димитар Николоски, 13. Климентина Котеска, 14. Лихнида Јорданоска, 15. Јована Стојческа, 16. Теона Стојческа, 17. Сара Нинеска, 18. Евгенија Илијоска, 19. Алексадра Мирческа, 20 Теа Кокондоска.

Во проектот се вклучи Леонардо Маркоски кој беше задолжен за камерата и  монтажата. Од голема помош ни беа и: Ивица Велески, Благојче Иваноски, Кристијан Селчанец и Божидар Јованоски.

Од сработеното произлегоа три куклени престави и две драматизации.

Група   Палешка

Група Славејот

Група Грдото пајче

Група Царевата нова облека

Група „Јовче будалчето“

Од четирите групи се снимија видеа кои можат да се користат како ресурси за настава. А петтата група, со „Јовче будалчето“ настапи на завршната вечер од проектот. На оваа вечер учесниците во проектот можеа да ги видат снимените видеа.

На завршаната вечер драмската секција учествуваше во работилница „Перспективата на другиот“, во која учениците беа поделени во групи и читаа четири бајки. Задачата беше да се раскажи приказната од перспективата на: Паметниот кројачот – во Царевата нова облека, Оловното војниче – во истоимената бајка, Мајката пајка – во Грдото пајче и Јовче будалчето – во истоимената бајка.

Учениците беа многу креативни и ги раскажаа приказните користејќи ја фантазијата.

Потоа, кога завршија и другите активности планирани и реализирани од други колеги и уечници, сите заедно заспаа со бајката „Принцезата на зрно грашок“, а утрото насадија дрво на бајките.

IMG_7641

Беше несекојдневно искуството да се биде дел од проектот. Со нови идеи, наредната година…

Заедничка воннастава активност

        20170317_123853.jpg

Во рамките на проектот: „Поддршка на процесот на интегрирано образование“. Училиштето „Климент Охридски“ заедно со неговото партнер-училиште (во рамките на проектот) „Лирија“ од Житоше и со поддршка од училиштето „Добре Јованоски“ состави три театарски групи кои минатата недела се собраа и се здружија во една.

Наставниците Ирмела Папиќ, Јулијана Талеска и Аднан Мехмети самостојно работеа на текстот „Ние – врапчињата“ – сценарио мотивирано од истоимениот детски роман на Јордан Радичков.

На средбата учениците имаа можност да се запознаат со проектот и со целите на театарската претстава. Тие се дружеа и глумеа задно.

Наставниците искористија техники за запознавање и игри за градење на групата кои ги стекнаа во дисиминиациите презентирани од колегите кои беа дел од обуките.

„Лудориите на Маша“ – настап на драмската секција на Годишната програма 2016

На овогодинешната Годишна програма, драмската секција се претстави со драмскиот текст „Лудориите на Маша“. Мотивирани од популарниот цртан и од палавштините што ги прави Маша, решивме оваа година да ги измешаме ликовите од бајките и детските книги и да ги одведеме во светот на Медо и Маша.

Во овој проект учествуваа 16 ученици. Нивните заслуги, вклученоста на родителите кои помогнаа со костимографија и кореографија (особена благодарност на Татјана Кокондоска и Роберт Нинески) направија овој проект да биде уште поубав. Сценографијата беше дело на наставникот Влатко Николоски кој исто така помогна и за дел од костимите.

Процесот на подготовка беше многу инспиративен. Претставата ја смисливме заедно, дискутиравме, додававме, одземавме. Моите драмски надежи се полни со идеи и голем дел од она што можете да го видите на видеото е нивно дело. Им благодарам на сите за соработката.

Лудориите на Маша

 

 

Дојдете на Чернодрински!!!

2015-11-27 18.59.13

Проектот „Музеите во училиштата и училиштата во музеите“ заврши за оваа година. Драмската секција учествуваше со едно видео: „Дојдете на Чернодрински“ во кое имаше обид да направи промоција и кратка реклама за Театарскиот фестивал „Војдан Чернодрински“. Идејата беше различни ликови од различни престави со своите познати изјави да се стават во функција на пораката.

Сценариото: Климент Охридски – Војдан Чернодрински

Проект: „Мечето што не сакаше да спие“

 

?Мечето што не сакаше да спие

На идеја на наставничката Гордана Јованоска (информатика), учениците и наставниците Јулијана Талеска (македонски јазик) и Влатко Николоски (ликовно образование) се направи проект кој усреќи многу дечиња.
Проектот започна со создавање на драмскиот текст: „Мечето што не сакаше да спие“ од страна на наставничката Талеска. Таа мотивирана од српската детска песничка „Љутито мече“ од Брана Црнчевиќ го напиша драмскиот текст и истиот го спреми со драмската секција од ООУ „Климент Охридски“. Наставникот Влатко Николоски со ликовната секција нацртаа цртежи мотивирани од драмскиот текст, а наставничката Гордана Јованоска со неколку ученици, технички го обработија материјалот и на крај се доби прекрасна боенка која што беше подарувана на првачињата и на дечињата од градинките.

Еве ја драмската секција:

Драмската секција со драматизацијата „Мечето што не сакаше да спие настапи на подарувањето на пакетчиња на првачињата, кај учениците од посебните паралелки и во градинката „Тризла“, со што училиштето оствари соработка со локалната заедница:

Првачињата:

Кај посебните паралелки:

Во градинката:

This slideshow requires JavaScript.

Искуството на сите три месат беше неописливо. Дечињата многу се радуваа на маскираните ученици кои беа автентично нашминкани и облечени од страна на наставникот Влатко Николоски и ученичката Сара Нинеска.

Боенките им беа поделени од Дедо Мраз и многу им се допаднаа.

This slideshow requires JavaScript.

 

 

Драмската секција им ја честита Новата година на првачињата

 

DSC_0049

Драмската секција подготви драмска едночинка „Медо не сака да спие“. Со неа се престави пред првачињата во спортската сала од училиштето. Во рамките на чествувањето на Нова година со најмалите ученичиња: првачињата. Секцијата настапи и се дружеше низ песна со првачињата, кои претходно се сликаа со Дедо Мраз и со пакетчињата кои им беа приготвени.

Во соработка со наставникот по ликовно образование Влатко Николоски, учениците беа автентично маскирани според улогите кои ги глумеа.

 

This slideshow requires JavaScript.

Учениците, учесници беа многу среќни и задовлни од еуфоричната публика, полна со мали дечиња кои најмногу се радуваа на Дедо Мраз.

 

Проект: „Музеите во училиштата и училиштата во музеите“ – 2015

IMG_6056

Драмската секција повторно зеде учество на проектот „Музеите во училиштата и училиштата во музеите“. Оваа година, заедно со останатите основни училишта требаше да се избере некој локалитет или случување кои се карактеристични за Прилеп и да се претстави со кратко видео. Одговорни наставнички за проектот беа Лилјана Здравеска и Јулијана Талеска. Во таа насока се одржаа неколку средби со координаторот на проектот Александар Цветкоски и неговата асистентка Мимоза Христоска, вработени во Музејот. Заеднички се дојде до идејата да се презентираат театарските игри „Војдан Чернодрински“.

This slideshow requires JavaScript.

Учениците уживаа во подготовките, особено во множноста да облечат костими од театарски престави. Да влезат накратко во светот на ликовите: Ромео, Јулија, Хлестаков, Кир Јања, Анѓеле, по Јанче, Цвета, Диоген, Трите сестри, Итар Пејо, Хамлет, Отело, Дездемона…

This slideshow requires JavaScript.

Најинтересно беше кога се подготвуваме за снимање. Учениците заедно со Координаторот на проектот Александар Цветкоски и Мимоза Христоска се обидоа да изгледаат скоро идентично на ликовите што ги претставуваа. Тие влегоа со свои видувања на ликовите и врз основа на нивната режија беше снимено видеото.

This slideshow requires JavaScript.

Видеото се снимаше во Домот за култура „Марко Цепенков“. Учениците имаа можност да видат како изгледа кога се снима филм. Иако кратко, сепак искуствено се почуствуваа како вистински актери, што всушност и се. Им благодарам за заложбите и за тоа што дадоа дел од своето време и креативност.

This slideshow requires JavaScript.