МОЈОТ ПРОНАЈДОК ЌЕ ГО ПРОМЕНИ СВЕТОТ

На часот по изразување и творење учениците измислуваа пронајдоци кои ќе го променат светот во идината. Инспирирани од научно-фантастичните романи за кои што учевме, измислувавме пронајдоци за кои што, имајќи го предвид Жил Верн 🙂 се надеваме дека еден ден навистина ќе ги има.

Еве некој од нашите идеи:

Мојот пронајдок го промени светот

        Мојот пронајдок е навидум обичен ранец, но кога ќе се притисне стартното копче, тој се расклопува и се претвора во две крилја. Рачките на ранецот кои стојат околу рамената имаат два продолжетоци кои безболно се прикачуваат на дланките и така брзината на машината е контролирана од волјата, а нејзиното вртење од движењето на рацете. Што се однесува до начинот на работа, машината работи на нуклеарна енергија, т.е. не испушта никакви гасови или било какви други штетни материи кои би загадувале. Сметам дека благодарение на овој пронајдок ќе дишеме почист воздух, а озонската обвивка нема да се оштетува и со тоа штетните ултравиолетови зраци нема да стигнуваат до нас.

Лиле Димкоска VIII – 3

Во 2012  година   започнав  да    го  правам   проектот   „3D   со   мирис“.  Тоа  беше  телевизор што емитува 3D телевизија што пушта мирис. Ваквиот телевизор не беше како другите телевизори што емитуваат тридемензионална слика. Со овај телевизор кога ќе ги ставиш очилата исчезнува се друго освен сликата на екранот, а на човекот што гледа телевизија му се чини дека е реалност.

Во  телевизорот  имаше преку  100  матични  плочи.   Имаше  петнаесет  јадра  со  брзина  од  20000  GHz. Телевизорот беше на „тач“ и беше како компјутер. Имаше можност да му се стави картичка од мобилен и истовремено можеше да функционира како телефон.

Мојот  пронајдок  за брзо  време  почна  да  се  користи  во многу кина и други компании. Се градеа огромни кино сали за околу 50000 луѓе.  После  пет  години  откако  излезе  овај  телевизор  околу  97  %  од  населението  во  светот во својот дом го имаше овај  телевизор.

Бојан Илиоски VIII – 2

 

 Јас пронајдов машина за производство на свежо овошје. Машината е висока 10m, широка 5m и долга е 20m. Работи на сила од 6000v (вати) струја. На неа работат роботи, но може да работат и луѓе, но им треба заштитна опрема поради големата јачина на струја. Кај машината е многу интересно тоа што таа во зима произведува: Лубеници, Дињи, Јаготки, Праски, Кајсии и сл., а пак во лето произведува: Јаболка, Портокали, Киви и сл. Јас оваа машина ја имав направено само во еден примерок и се наоѓаше во мојот дом. Сите скици и цртежи што ги направив додека ја правев машината ги чував затоа што ако се расипи да знам кој дел каде е за побрзо да ја поправам. Вестите на 3 Април 2011 година многу ме вознемирија затоа што рекоа дека овошјето глобално е оскапено така што само богатите луѓе можеа да го купат. Тогаш јас си реков: Зошто да биде ова така, јас со мојата машина за овошје ќе го сменам ова. И така направив, ја товарив машината и отидов во Америка и ја промовирав машината. На промоцијата имаше фирми кои се занимаваа со производство на овошје .Кога ја видоа мојата машина тие многу се изненадија, но воедно и многу фирми порачаа да доставам по една машина во нивните фабрики. Истото го направив и во други земји и јас мислам дека со тоа го променив светот и сум многу задоволен.

 Александар Костоски  VIII – 2

 

Многу луѓе сакаат да патуваат низ светот, но за тоа треба да платат многу пари. Поради тоа јас измислив една машина која е во вид на прстен, со која што можеш да одиш каде ќе посакаш без да платиш многу пари за авионски билет и нема да патуваш многу долго, туку само една минута. За да стасаш од едно до друго место за толку кратко време треба само да  го ставиш прстенот на прстот и да го кажеш местото каде сакаш да одиш и после една минута ти ќе се најдеш на тоа место. Со оваа моја машина луѓето одат секаде низ светот, посетуваат различни места, запознаваат различни луѓе, и сето тоа го прават бесплатно.

Маријана Димоска VIII-2

 

ПРЕЗЕНТАЦИИ НА ОМИЛЕНИ ФИЛМОВИ

На часот по македонски јазик учениците пезентираа презентации на нивни омилени филмови. Наставната единица ОСВРТ НА ГЛЕДАН ФИЛМ ја реализираа на креативен начин. Некои од презентациите можат да се видат подолу:

Хари Потер     титаник    сам дома1111    NENAD   the notebook111   Дума   FILM      филм      Стјуарт Литл    2003TheProposal     Monster in law1

е- задача – НОВИНАРСКА СТАТИЈА

Учениците од VIII одделение на часот по македонски јазик беа во улога на новинари. Нивните мудри глави создадоа интересни новнинарски статии. Најдобрите статии се:

Новинарска статија од ученичката Лиле Димкоска VIII-3


Денот на дрвото, овој ден и некои интересни факти за дрвјата

           На 23 ноември, во среда, ќе биде денот на дрвото. Тоа е државен празник, така што особено ангажирани ќе бидат учениците и наставниците од општинските училишта. Акцијата Ден на дрвото – Засади ја својата иднина е акција поддржана од Владата на Република Македонија, која што го определи денот на одржување на акцијата.

      Идејата се родила во август 2007 година, кога идејниот татко на акцијата, амбасадорот на мирот на UNESCO, светски познатиот баритон, маестро Борис Трајанов, трогнат од огромните катастрофални пожари, кои 2006 и 2007 ја соголија и опустошија Република Македонија, добива благородна идеја и поттикнува проект за масовно засадување на голините и опустошените планини.
Незаборавната изјава на уметникот дека „Не сме само ние жители на планет
ата, и шумите се жители како и ние“ –  и дека „Треба да се прогласи ден на жалост кога масовно умираат шумите“ – ја зароди и осемени големата идеја кон реализација. Иницијатива на господинот Трајанов, ја прифатија група ентузијасти, започнувајќи го проектот Ден на дрвото – засади ја својата иднина.

Пошумувањето е од особена важност за планетата земја и сите живи организми на неа. Еве некои интересни факти за важноста на дрвјата:

  • едно просечно дрво може да произведе 120 килограми кислород годишно;
  • едно дрво годишно апсорбира онолку јаглероден диоксид колку што произведува автомобил кој поминува 13 700 километри;
  • просечно дрво произведува има доволно дрвна маса за производство на 170 000 моливи.
  • највисокото дрво во светот е Секвојата, една единка во Калифорнија е висока повеќе од 110 метри;
  • рециклирањето на еден тон хартија може да спаси околу 17 дрва;
  • дрвата се организмите кои живеат најдолго на планетата;
  • просечно дрво во градските средини може да живее во просек околу 8 години;
  • најголемиот дел од кореновиот систем на едно дрво, корените кои ја влечат храната од почвата се наоѓаат во првите дваесет сантиметри под површината на земјата
  • се проценува дека постојат близу 100 000 различни видови на дрва во светот.

Новинарска статија од ученичката Емилија Чавлеска

  Фудбалерките од Климент Охридски

 

На 24.11.2011 во спортската сала ,,Маркови Кули“ на градскиот базен ќе се одигра фудбалски натпревар за девојчиња. Како и на сите спортски натпревари, така и на овој натпревар ќе учествува и женската екипа за фудбал на ОOУ Климент Охридски.

Тие ќе бидат облечени во портокалови дресови и црвени шорцеви, кои неодамна пристигнаа во училиштето.

На 23.11.2011 по повод ,,Денот на дрвото“ учениците ќе бидат ослободени од настава и дел од нив ќе засадуваат дрвца, а преостанатите ќе се погрижат да ги исчистат кабинетите во училиштата.

Па девојчињата од ОOУ „Климент Охридски“ се организираа да го искористат слободниот ден и да тренираат за престојаниот натпревар.

Се надеваме дека ќе победат и ќе го однесат првото место во Мал фудбал во женска категорија.

Со оваа статија ве повикуваме и вас да навивате за ,,фудбалерките“ и да ги бодрите да победат. Се надеваме дека нема да не разочараат.

 

Новинарска статија од ученикот Јане Јанески VIII – 2

 

Р.К. „Филип 07“ со нова победа

 

Ракометниот клуб „Филип 07“ остана единствена машка ракометна екипа која се натпреварува во лигата по згаснувањето на Р.К. „Златен даб“.

Р.К. „Филип 07“е втор на табелата во втората група од младинска лига. Тренерот А.Т. е задоволен од играта на играчите.  Тој вели дека сè уште е рано да го даде списокот на играчи во тимот. Во натпреварот од првото коло од втората полусезона Р.К. „Филип 07“ го совлада фаворитот Р.К. „Пелистер“ со убедливи 25-18 и се искачи на втората позиција. Првите две места од оваа западна младинска лига одат понатаму и се натпреваруваат во фајнал фор, за најдобра екипа во Македонија.

„Само со ваква игра можеме да го задржиме второто место и ќе имаме реални шанси за освојување на првото место, со што го добиваме полесниот противник во понатамошната фаза.“- изјави  тренерот А.Т. Во следното коло прилепските ракометари ги очекува тежок натпревар против Р.К. „Младост“ од Ресен, кој ќе се игра на гостински терен.

„Иако е тежок натпреварот, одиме за победа, да ги земеме трите бодови, па со евентуален пораз на Р.К. „Пелистер“, кои се први во групата, да се искачиме на првата позиција.“- надополнува А.Т.

Играчите на Р.К. „Филип 07“ заедно со тренерот  и претседателот на клубот, по завршувањето на сезоната ги чека тежок турнир во Белград, Србија, во кој домаќин ќе биде Р.К. „Ѕвезда“.