Учениците имаа задача дома да поразговараат со родителите, гугал, википедија или некој близок за следниве поими:
Continue reading
Year: 2015
ВИОЛЕТОВИ ЦРВИ СО ПОРТОКАЛОВИ ЛИНИИ – ЕКО – ЧАС
На час за изразување и творење, со осмооделенеците искористивме работилница од прирачникот за Животни вештини, адаптирајќи ја работилницата за наши потреби. Приказната за виолетовите црви со портокалови линии и задачата да ги зачуваат, им беше поттик на учениците да создадат неколку литературни дела кои подоцна усно ги презентираа. Учениците работеа во четири групи и одлично се забавуваа. Тие низ работилницата го реализираа и еко-имплементирањето бидејќи низ активноста тие имаа дискусии и задача да ги заштитат црвите кои беа во изумирање.
Еве дел од делата кои произлегоа од часовите:
Изјави од научниците:
Ние сме истражувачкиот тим „ДАНИМ“ од Африка. Моментално ги изучуваме виолетовите црви со портокалови линии. Тие всушност биле обични црви кои живееле под земја. Со загадувањето на природата од страна на човекот, тие ја промениле својата боја. Значајни се за почвата затоа што ја прават поплодна. Со цел да ги заштитиме црвите треба постојано да засадуваме нови растенија и да не ја загадуваме природата. Ние, научниците, сакаме да ги поттикнеме сите жители на планетава да ги зачуваат виолетовите црви со една порака: ЗАСАДИ ДРВО,ЗАСАДИ ЦВЕТ СПАСИ ГИ ВИОЛЕТОВИТЕ ЦРВИ ОД ЦЕЛ СВЕТ.
Виолетови црви
Виолетовите црви (лат. violetus crvus), потекнуваат од праисториско време, а денес ги има само во Македонија, поточно во Прилеп.
Тие се многу специфични, бидејќи имаат портокалови линии по нивното тело. Мнозина ги користат црвите, при ловење на риби, како мамец на јадицата. Тие се познати по тоа што им овозможуваат на луѓето да ловат златни риби.
Ние, како научници, неколку години се обидуваме да најдеме решение, со цел да ги зачуваме овие вредни суштества… и по долго време поминато во истражување, пронајдовме начин со кој ќе се спречи уништувањето на ова природно богатство. Црвите треба да се сместат во посебни земјени базени, каде што се безбедни и е оневозможено нарушување на нивното здравје!
Песна:
Црви, црви, црви
Зошто ги убивате тие мали црвчиња
што живеат на дрвцина
црви црви црви
еднаш нека бидат и тие први
дајте им храна за да немаат мана
дајте им храна за да бидат без мана
и на гости да ве кана
и кафе да ви свара
и никој со никого да не се кара.
Драмски текст:
Трите црви и децата
(Трите црва седат во виолетовата градина со останатите пријатели црви)
Црв С: Слушајте Црв Е и Црв Т! Јас ова не можам да го трпам!
Црв Т: Што тоа?
Црв С: Сакам некоја авантура!
Црв Е: Ајде да избегаме!
Црв Т и Црв С: Ајде!
(бегаат кон планината и ги сретнуваат најнемирните деца во селото)
Црвите: Хиииииии!
Црв С : Човециии!
Црв Т: Што е тоа?
Црв Е: Бегајте!
Ивица: Еј Коле, види!
Никола: Што бе Иво? Што да видам?
Ивица: Абе виолетови црви!
Никола: Еј да! Слушнав дека ако ги запалиш испуштаат убава миризба.
Ивица: Чекај, имам чкорчиња!
Никола: Фрли им три!
(фрлаат и црвите бегаат)
Црвите: Леле! Бегајте! Брзо!
Никола и Ивица: Ахахахахахахаха! Уште…
(Доаѓа млекарот)
Никола: Еј види! Млекарот
Ивица: чичко Млекар!
(Млекарот истура млеко на огнот и ги трга децата за уво)
Ивица: Ауч! Ова болеше…
Млекарот: Така ви треба вас неранимајковци! Оставете ги црвите на мира, заслужуваат да живеат!
(црвите преплашени се заблагодаруваат и бегаат кон планините)
Црв Т: Ете ти авантура Црв С.
Расказ за виолетовите црви
Еден убав сончев ден, додека се шетавме со моите другари слушнавме силен вресок и се упативме кон местото од каде што доаѓаше. На улицата „Илинденска“ стоеше едно мало девојченце, на околу шест годишна возраст, со руса коса сплетена во две плетенки. Тоа беше многу исплашено. Го прашавме што се случило, а тоа ни одговори дека видело голем виолетов црв, кој што гори и умира. На ваквиот одговор прво се зачудивме, но потоа имајќи ја предвид возраста на детето, помисливме дека тоа измислува. Во тој момент, забележавме три исто такви виолетови црви коишто се движат по улицата. Одеднаш трите црви ни се приближија, но ние не се исплашивме од нив. Туку, ги погаливме по главите, а тие од страмежливост почнаа да трепкаат со очите, а на телото им се појавија портокалови црти. Во тој момент, движејќи се по улицата кон црвите се упатуваше еден многу забрзан автомобил. Тогаш, едно од другарчињата ја крена раката во знак автомобилот да ја намали брзината. Му објаснивме на возачот за црвите и тој ни беше благодарен што му помогнавме да избегне несакана ситуација. Исто така и црвите ни беа благодарни што ги спасивме од сигурна смрт. Така тие ни останаа верни пријатели и секогаш се не поздравуваат кога ќе не сретнат на улица.
Драмската секција со ново видео: „Сите деца со исти права за подобро утре“
Драмската секција во соработка со СЕГА – коалиција на младински органзации и Песталоци – детската фондација сними кратко видео во кое ги промовираше детските права. Видеото беше промовирано во петокот во училиштето „Климент Охридски“ пред наставниците, учениците и родителите.
http://www.zenitprilep.com.mk/petka/8944-detski-prava-za-podobro-utre.html
МИО – работилница „Градиме мостови“
Учениците од VI – 1 одделение успешно ја сработија работилницата: „Градиме мостови“. Од работилницата тие потврдија дека дружењето не познава граници, ниту верски ниту национални. Во дискусијата која се водеше по активноста се споделија другарувања на учениците со деца од другите националности.
Активноста беше мотивирана од расказот „Мостови“ кој претходно беше сработен на часовите. Во него две момчиња копнеат да изградат мост за да можат да се дружат заедно кога ќе надојде реката која што ги разделува. Оваа идеја во преносна смисла се пренесе на работилницата:
Учениците добија текст во кој се опишани пет деца од различни националности: Армин, Ферзија, Осман, Јелена и Калина. Секоја група претставува едно од тие деца. Задачата е да ги напишат карактеристиките на детето што го претставуваат и да ги споредат со останатите четири. Што имаат слично, а што различно со нив. Потоа да ги претстават петте деца во некоја заедничка активност низ цртеж.
Учениците во групата се организираа многу добро. Секој доби задача на која што паралелно работеше. Едни бараат сличности, други разлики, а трети цртаат. Потоа сработеното се презентира и се отвори дискусија.
ДРАМСКАТА СЕКЦИЈА ПОВТОРНО ЈА ВОДЕШЕ ГОДИШНАТА ПРОГРАМА НА ООУ „КЛИМЕНТ ОХРИДСКИ“
И оваа година драмската секција од ООУ „Климент Охридски“ – Прилеп, ја доби задачата да ја води Госишната програма на училиштето. Учениците од седмо и деветто одделение радо го прифатија предизвикот. Поминавме прекрасни мигови и целокупната манифестација ја направивме многу интересна. Овој стил на водење е нешто што го воведовме од пред неколку години со цел да го промениме класичниот монотон начин на највување точки. Тоа им се допадна на публиката, а исто така и нам ни претставуваше огромно задоволство.
Многу сум среќна за моите ученици и за енергијата што ја вложија. Ви благодарам!!!
ТВ и радио емисии
На часовите предвидени за наставното подрачје МЕДИУМСКА КУЛТУРА, со учениците учевме за радио и ТВ емисии.
Во таа насока, учениците изработија проекти – видео и аудио записи кои претставуваат копии на она што ние можеме да го видиме или чуеме на телевизија и на радио.
Изработката на видеата беа корисно и забавно поминато време, нивното гледање беше многу интересно. Учениците покажаа дека еден ден можат тоа да го прават професионално.
Еве дел од нив, одбрани заедно со учениците:
Детска ТВ емисија „Приказна пред спиење“ https://www.youtube.com/watch?v=zPAmPx2xwkc
Детска ТВ емисија „Таленти“ http://youtu.be/BevOcVB-IL4
Забавна ТВ емисија „Мачки“ https://www.youtube.com/edit?video_id=m4zLoHoqZu8
Забавна ТВ емисија „Човекот и животните како најдобри пријатели“ http://youtu.be/slDBlkizm88
Информативна ТВ емисија „Метео“ http://youtu.be/HIJuuDflrdc
Забавна радио емисија „Добар виц, добро смеење“ http://youtu.be/hXRir69a3ls
Информативна радио емисија „Клуч“ http://youtu.be/yLW9HLXe58Y
Образовна радио емисија „Професии“ http://youtu.be/y7TOuqRqlL4
Овие емисии ќе бидат корисни за часовите по медиумска култура. Им благодарам на моите креативни ученици за убавите емисии.
ПОСЕТА НА БИБЛИОТЕКАТА „БОРКА ТАЛЕСКИ“ И РАБОТИЛНИЦА ЗА КРЕАТИВНО ПИШУВАЊЕ
Вчера со учениците од шесто одделение бевме во посета на градската библиотека „Борка Талески“. Во библиотеката бевме срдечно пречекани. Не` расшетаа насекаде. Го видовме одделот за возрасни, одделот за деца, читалната, конференциската сала, роднокрајните дела, одделите за странски јазици, дури и ни дозволија да се прошетаме во магацинот. Таму ни беше најинтересно. Книги од под до таван, а ние како мали глувчиња чепкаме наоколу. Прекрасно искуство. Учениците имаа можност да постават прашања и да се запознаат со условите за зачленување и изнајмување книги.
По посетата се упативме во паркот и направивме работилница за креативно пишување. Ученицте седеа во круг. Секој пред себе имаше лист хартија. На даден знак запишуваа една реченица. Потоа листот го предаваа на ученикот од левата страна, а го земаа од ученикот од десната. Задачата беше да ја продолжат приказната. Така додека не дојде до нив нивниот лист. Потоа расказите се читаа на глас.
СПРЕМНИ ЗА ВЕЛИГДЕНСКИОТ ПАНАЃУР
Учениците од VII- 2 одделение се вклучија со учество на рачни изработки за традиционалниот училишен, Велигденски панаѓур. За таа пригода, се одржа работилница која ја водеше ученичката Анисија Ставреска. Таа им даваше инструкции на учениците како да направат корпе за јајца од стари весници. Од работилницата произлегоа убави корпиња кои заедно со уште некои индивидуални изработки на учениците во соработка со своите реодители, ќе бидат изложени на утрешниот панаѓур. Па драги наши следбеници на блогот и фејсбук профилот, ве покануваме да не` посетите. За многу години да е празникот!!!
АКО ЗНАЕШ ПРИДАВКИ, МОЖЕШ ДА СТАНЕШ МИЛИОНЕР
Еве интересен начин да се вежба за придавки. Благодарение на наставничката Гордана Јованоска по информатика (која што направи милионер за потребите на наставата по информатика), учениците Давид Стојановски и Никата Ристески, следејќи го тој пример создадоа милионер за придавки. Неговата најдобра примена е ако во училиштето има Smart – табла, но исто така може да се игра и на компјутер. Забавата е гарантирана 🙂
ДОКУМЕНТАРЕН ФИЛМ
Според употребената техника при снимањето, филмовите можат да се распоредат во следниве три родови:
-документарни
-играни
-анимирани
Документарниот филм ги прикажува фактите од реалниот живот онакви какви што се. Тој прикажува некоја појава или проблем, при што зазема став (но сепак не смее тој став да се постави како апсолутна вистина) или дава визуелна информација за определен настан или појава
– факти (неоспорни, објективни, докази, вистински настани или податоци)
Тоа прикажување може да биде на лице место или по пат на реконструкција (прикажување на случајот или настанот преку веќе регистрирани документи – вести, изјави, весник, фотографии, видеа, ракопис…
Целта на документарниот филм е да се прикаже вистинската страна на некоја тема или случување. Сепак документарниот филм може да прикажува лаги и пропаганди, да ја извртува вистината со цел да манипулира со гледачите.
Првите документарни филмови:
1. Жито за народот (1947) Трајче Попов https://www.youtube.com/watch?v=lE_-bGvtZt0
2. Галичка свадба https://www.youtube.com/watch?v=ChgE8Vq6Plw
3. Македонски тутун https://www.youtube.com/watch?v=NDcUwuwI-ws
Листа на линкови со документарни филмови (составена од моите ученици):
Село Староец https://vimeo.com/39220665
Приказна за една соба https://vimeo.com/18535830
Дневникот на Пол Баленовиќ https://www.youtube.com/watch?v=HMvcmjRQaGY
(BBC – на англиски)
Барака https://vimeo.com/36747247
THE SECRET STORY OF PLANET MARS – Documentary 2014 https://www.youtube.com/watch?v=Zw2fycH-Avc
Megalodon Giant Killer Shark(full documentary)HD https://www.youtube.com/watch?v=b-tt1E2hpD4
По трагите на јагулите https://www.youtube.com/watch?v=bcfQzLPXdn0
„Во срцето на Балканот – барајќи го рисот” https://www.youtube.com/watch?v=5dwJctsT_cQ
Шест саати до небото:Тоше Проески https://www.youtube.com/watch?v=oCHo5SuTNv0
мојата училница 
