Многу сум радосна и горда на моите ученички Ивана Паскоска од осмо одделение и Илина Јованоска од шесто одделение. Тие беа учеснички на финалето од националниот Натпревар во раскажување. Овој настан е дел од фондацијата „Ѓорѓе Маријановиќ“ и се состоеше од два дела. Првиот дел започна минатата година, со почетокот на училишната година ученичките читаа книги и правеа кратки видеа во кои започнуваа раскажување на книгата што ја прочитале. Книгата не ја завршуваа, туку избираа најинтересен дел на кој запираа со раскажувањето, за да нè заскокоткаат, да нè заинтересираат да ја прочитаме.

Денес тие беа дел од финалето на кое имаа задача да говорат пред публика и да раскажат една книга што претходно не ја раскажале. Иако бев оневозможена да појдам на настанот, родителките ме информираа телефонски и со видео и бев воодушевена од двете девојчиња.

Од Илина што се победи себеси. Застана и зборуваше и ни покажа дека може уште многу работи да ги прави онака како што треба. Од неа чекам уште многу успеси и проекти. Сепак, неа оваа година фокус ѝ беа државните натпревари по Информатика, Природни науки, Англиски јазик на кои освои високи места, па затоа не беше насочена кон снимањето видеа. Но учеството во финалето и настапот кој го изведе е една голем успех на кој се радувам многу.

Ивана навистина силно се посвети на овој натпревар и непрестано читаше. Постојано разговаравме за следната книга и мислам дека сега заслужува едно лето со многу игра и забава 😊 Сепак не смее да се изостави тоа дека нејзината мајка, Тања, беше ветер во грбот и најголемата поддршка да се изведе сè како што треба.

Ивана снимаше на многу локации, но најубавите видеа ѝ се во нашето училиште. Внимателно ги бираше најубавите катчиња од нашето училиште во расцветување и ги раскажуваше книгите на своите школски другарки и другари. На страницата од Фондацијата објавени се 46 видеа, но Ивана успеа да сними 58 и сите се наоѓаат на Јутуб каналот од нејзината мајка.

На овој натпревар жирито одлучи Ивана да го добие ТРЕТОТО МЕСТО… тие рангирања за мене се релативна работа. Она што овие девојчиња го добија не може да се рангира со место. Затоа овие девојки сте апсолутни победници за мене. Затоа што кога ќе се победиш себеси, ти си ги победил сите!

Видеата од овие девојки може да ги видите на овие врски:

https://fgm.org.mk/author/tatjanapaskoskayahoo-com/

https://fgm.org.mk/author/gjovanoskayahoo-com/

Проектот „Стрип“ е заедничка идеја со наставничката Александра Богоеска по ликовно образование. Имено, за стрип во актуелната програма по македонски јазик се споменува во седмо одделние. Учебниците не нудат никакви содржини поврзани со таа тема, ниту има реално, некоја литература на македонски јазик која може да помогне во реалзиација на часот. Во програмата по ликовно обрзование оваа наставна единица се работи во деветто одделение.

Иако различни одделенија, ние решивме да соработуваме и секако, најпрво се обративме кај професионалци. На наша голема радост, радо и со голем ентузијазам Давор Драмиќанин и Здраво Гиров ни одржаа стрип-работилница на Зум.

На часот присуствуваа ученици од ликовната секција. Таму многу пластично, јасно и видливо им беше објаснат процесот на создавање стрип. Нивната синхронизација беше прекрасна за слушање и гледање. Додека Драмиќанин објаснуваше, разговараше со учениците, Гиров црташе. Од часот произлегоа два лика кои беа созданени од раката на Гиров, но вдахнати од нашите ученици.

Часот беше снимен и им беше пуштен на ученциите на училиште. Седмите одделенија го гледаа и потоа беа поделени во пет групи, им беше даден конструкт по избор (машки или женски) и заеднички, во рамките на групата создаваа суперхерој. Беше вистинско задоволство да ги гледаш како уживаат. Во секоја група имаше пое ден или двајца ученици кои цртаа, а останатите даваа идеи како да излгеда суперхеројот. Исто така останатите, нецртачите, имаа задача да смислат биографија на ликот. И така произлегоа 20 оригинални суперхерои.

Колешката часот го пушти на деветтите одделенија и во рамките на секцијата направи неколку групи кои нацртаа стрипови. Еве дел од нив:

Биографиите на суперхероите ги искористив за писмена вежба, односно учениците имаа задача да напишат расказ во кој ќе ги вклучат како ликови суперхероите што се нацртаа во рамките на нивните одделенија. Произлегоа прекрасни раскази кои можат да се искористат како сценарија за стрипови.

Исто така, биографиите на суперхероите можат да се искористат и за усно изразување со тоа што ученикот ќе влезе во улогата на суперхеројот и пред учениците ќе зборува за себе.

Ваквиот тип активности го прават часот многу интересен, а учениците се мотивирани и учат многу.

Еве ги сите финалните производи:

Стрип изработки од ученици

//v.calameo.com/?bkcode=0063044648e7ea0ea6908

Publish at Calameo

Неизмерна благодарност за љубовта и посветеноста! Учениците уживаа! Нема поголема радост кога гледаш дека несебично се споделува непроценливо знаење и искуство, а восприемањето е отворено и силно!

Она за што двете сме многу благодарни е што имаме ресурси кои ќе ги користиме и со идните генерации. Добивме зум-час, имаме два конструкти, а и изработки од ученците, иако веруваме дека до година повторно да ги контактираме, ќе сакаат да ни излезат во пресрет. Гиров веќе втор пат ни е гостин, ова станува традиција 🙂

Во наставниот процес многу работи можат да бидат ресур. Често ние наставниците ресурсите си ги правиме сами или со помош на учениците. Но многу е убаво кога ресурсот е готов:

Сигурно сте чуле за брендот Биби, Светот на Биби, за Боби, Зази, Зина, за Дедо Мраз од Заз… и многу други ликови кои ја богатат нашата македонска детска литература. Сликовниците се нешто со кое секогаш се заспиваме, и со големиот син, а сега и со малиот. Но исто така низ дома ни се врткаат и еден куп други производи од Биби 😊 Така, картите ПОГОДИ ШТО? еден ден ги искористив како ресурс за час.

Со седмите одделенија имавме: Вежби за стилски фигури, со акцент на ономатопеја и компарација, како последни стилски изразни средства кои ги зедовме. Картичките дојдоа како нарачани.

Имено, жолтите картички се картички со предмети. Тие ги користевме за да правиме КОМПАРАЦИЈА. Предметот што ќе се извлечи да се искористи во реченица во која ќе биде спореден со нешто друго. А сините картички, звучните картички, ги користевме за ОНОМАТОПЕЈА.

Како одеше часот: Учениците беа поделени на групи. Секоја група доби по 12-15 картички. Измешани. Во круг, еден по еден влечеа картичка. Ученикот што влечи ја гледа картичката и треба да им го имитира звукот (ако е сина картичката) или со пантомима да им го објасни предметот (ако е жолта картичката). Штом го погодат звукот или предметот, заеднички пишуваат реченица: со ономатопеја или со компарација.

Произлегоа многу интересни реченици:

Интересна е како фудбал.

Кукуригу, кукуригаше петелот и ме разбуди рано.

Леле! Полека, ме згазна како да ме згазнал слон…

На часот беше забавно. Се играше, а истовремено се учеше.

Бидејќи испадна дека картичките се многу корисни, ги искористив и со деветтите одделенија. Со нив работевме ИЗВИЦИ. Па доброволно учениците влечеа картичка и правеа извик од животното што го извлекле или од предметот.

Пр: Тик-так (часовник)

Туп-туп (топка)

мјаууу (маче)

Пробајте!

Честит празник!!!

Од оваа година, со одлуката на Владата на Република Македонија, на 130. седница, одржана на 16 април 2019 година, 5 мај е Ден на македонскиот јазик. По тој повод, сите наставници, особено македонистите, имавме идеи како да го празнуваме Денот. Но, како што сите знаеме… нѐ наваса некое чудно време и многу работи излегоа од текот кој што го имавме зацртано. Па, нема да сме наставници, ако не знаеме да се снајдеме во непредвидени ситуации, нели?…

И така, на идеја на мојата колешка Евгенија Трајкоска, решивме да предложиме, најпрво во рамките на нашето училиште „Климент Охридски“, да направиме некој виртуелен простор во кој ќе го одбележиме празникот. Објавивме на вибер, идејата се прифати и тргна иницијативата…

Нешто потоа идејата ја споделивме на затворената група од Друштвото на професори по македонски јазик од Општина Прилеп. Таму наидовме на позитивни реакции и најнакрај направивме Фејзбук-страница Ден на македонскиот јазик и колегите почнаа со поддршка.

Но тоа продолжи понатаму, се приклучија колеги од Охрид, Скопје, Куманово, Кавадарци и бројките растат и растат, исто како нашата радост.

Ги разгледувам активностите, на самиот ден на празникот, ги има многу. Вклучени се скоро сите училишта од Прилеп, опфатени се генерациски ученици од основно и средно образование. Активностите, која од која поубави: презентации, рецитации, фотографии, колажи, лични творби, ликовни творби, музички творби, цитати на поети и писатели, правописни правила, песни на поранешни и сегашни, актуелни поети…

Во моментов 24 660 прегледи, 839 допаѓања.

Колегите посветено, многу креативно допреа до сите кои на различен начин придонеле, придонесуваат и во иднина ќе придонесат во битисувањето на нашиот македонски јазик. И тоа многу радува.

Еве дел од нашите убавини на Страницата:

https://www.youtube.com/watch?v=TP2-nRemBck&feature=youtu.be&fbclid=IwAR3YERczMekO_6THQEA31bigeKOB07GyR8JKVCpZgSjlZ3cwPinrO6-BFSY

„Дневникот на Ана Франк“ сосем случајно е една многу соосветна литература која може да помогне во ова време на излолација. Ако учениците ја прочитале книгата, многу добро знаат како се чувствувала Ана кога се криела од нацистите, онака како што ние сега се криеме од корона вирусот.

Оваа наставна содржина треба да помогнае да се збогатат знаењата од литература и историја, особено периодот на Втората светска војна. Исто така да се поработи на зголемување на речникот и изразноста.

Она што прво треба да се направи или што веќе е направено, е да се прочита книгата… во случај тоа да не е можно, квалитетот на часот ќе е на пониско ниво, но од долунаведените материјали учениците ќе се запознаат со Ана, па штом помине вондредната состојба, ќа ја прочитаат.

Еве неколку фотографии од Ана:

1. На оваа врска имате краток анимиран филм кој ве воведува во содржината на книгата:

https://www.brainpop.com/english/famousauthorsandbooks/annefrank/?fbclid=IwAR2Rq5a6ys_8MfxzgbLcPJKJP8TjoH9gvgM7PFlv-g4hsH6EcE7aVvHW8bw

2. Анелис Мари „Ана“ Франк (12 јуни 1929 – почетокот на март 1945) била германско девојче од еврејско семејство од градот Франкфурт којашто стекнала светска слава стекнала благодарение на своите дневници во кои ја опишала германската окупација на Холандија за време на Втората светска војна.

Ана со своето семејство се преселила во Амстердам во 1933 година, откако нацистите дошле на власт во Нацистичка и се стремеле за окупација на Холандија која започнала во 1940. Откако убивањето на Евреите почнало да се зголемува од ден на ден, Ото Франк, таткото на Ана Франк во јули 1942 со семејството се криел во собите од неговата работна зграда. По две години групата којашто ја сочинувале и тие била пронајдена и испратена во концентрационите логори. Седум месеци по нејзиното апсење, Ана починала од тифус во концентрациониот логор Берген – Белзен во деновите кога умрела и нејзината сестра Маргот Франк. Нејзиниот татко Ото останал жив и успеал да се врати во Амстердам каде што ги нашол сочувани дневниците на својата ќерка кои подоцна биле објавени во 1947 година. Дневниците во својот оригинал се објавени на холандски јазик.

Дневникот којшто и бил даден на 13. роденден претставува хронологија на настаните од тој ден, па се до 1 август 1944 година. Дневникот е преведен на многу јазици, а станал и многу популарен меѓу читателите. Стилот на којшто е напишан е добар, а темата на дневникот претставувала инспирација за повеќе филмови. Со својата слава, Ана Франк станала една од најчесто споменуваните личности од жртвите на Холокаустот.

(Извор: https://mk.wikipedia.org/wiki/%D0%90%D0%BD%D0%B0_%D0%A4%D1%80%D0%B0%D0%BD%D0%BA)

3. Официјална страна на Музејот посветен на Ана Франк https://www.annefrank.org/en/   таму може да се најде и краток филм во кој на англиски јазик се објаснува која е Ана https://www.annefrank.org/en/anne-frank/who-was-anne-frank/

Оваа страница е полна со информации и фотографии. Дури и да не знаете англиски добро, убаво е да се разгледа.

Потоа истражете на интернет:

– Втора светска војна

– Холокауст

Други извори, за оние пољубопитните:

• Интересни факти за Ана…
• Извадоци од Дневникот…
• Блог: Лозановска – македонски јазик
• Холокаустот низ призмата на детските очи – час

Холокаустот не нЕ одминал и нас. За судбината на македонските Евреи може да се видат овие врски:

Изложба: „Изгубениот сафарски свет“

Час за Сафартските Евреи

Филмови:

ДРУГИОТ ПАТ http://www.centropa.org/node/83049

ПРЕЖИВУВАЊЕТО ВО САРАЕВО http://www.centropa.org/centropa-cinema/prezivjeti-u-sarajevu-prijateljstvo-za-vrijeme-rata

ТРИ ВЕТУВАЊА http://www.centropa.org/centropa-cinema/matilda-kalef-three-promises

РИФКА И ЕЛВИРА http://www.centropa.org/centropa-cinema/rifka-and-elvira-coming-age-time-war

И особено го препорачувам македонскиот филм БЕНО И РОЗА http://www.centropa.org/centropa-cinema/beno-and-roza-kamhi-years-make-their-own?subtitle_language=

Електронска училница

dav

dav

dav

dav

sdr

Претходната недела асоцијацијата „Ластовица“, во рамките на проектот „И ние сме тука“ кој е дел од кампањата „Попреченоста е прашање на перцепција“ – реализирана од Институтот за медиуми и различности (МДИ) во партнерство со Македонскиот институт за медиуми (МИМ) и Националниот совет на инвалидски организации на Македонија (НСИОМ) реализира низа активности.

Во ООУ „Климент Охридски“ беа сработени 12 работилници, реализирани од 12 наставници и еден дефектолог. Работилниците беа направени со ученици од трето, четврто, петто, седмо и деветто одделение. Целта на активностите беше подигнување на свеста за присуството на лицата со посебни потреби, со акцент на децата со аутизам. Наставничките се обидуваа да ги разјаснат однесувањата на тие деца, нивните потреби и како ние, можеме да помогнеме во олеснување на нивната интеграција во наставниот процес.

dav

dav

dav

dav

Активности од  работилниците:

-правење хартиени балончиња во кои се пишуваа пораки за другарство

– Цртање рачиња и шарање

– правење сложувалка

– изготвување брошура во која се истакнуваат потребите на едно лице со аутизам и како ние можеме да му помогнеме

-изготвување лепенки со логото на проектот „Попреченоста е прашање на перцепција“

-изготвување лепенки со симболи кои го претставуваат аутизмот или неделата на аутизам

– сензибилизација на учениците со разговор, дискусии и работни листови

– средба со дефектолог-придружник и ученик со аутизам – дискусија и набљудување на неговите постапки, објаснување зошто така се однесува и што треба ние да направиме во такви ситуации

Откако овие активности завршија, сите материјали се закачија на платно во холот на училиштето и на 2 април во 11 часот се отвори изложба на која зборуваше директорот и дефектолог Светлана М. Томеска. На оваа изложба присуствуваа и учениците и дел од наставниците од посебните паралелки и сите заедно ја искажаа поддршката за зголемување на свесноста за присуството ан овие лица, за нивните права, но и за нашата обврска да им помагаме во социјализацијата.

dav

dav

dav

dav

sdr

dav

dav

dav

Потоа, сите наставници и одделенија кои беа вклучени во работилниците, заедно со промотивните материјали кои се изработија се упатија кон центарот на градот. Каде што делеа брошури, лепеа лепенки со симболи на аутизмот и логоа од проектот, со цел да ја поддржат кампањата.

sdr

sdr

sdr

Симболично, на крајот од акцијата, учениците пуштија 100 светло сини хелиумски балони и наредија една шарена сложувалка.

Сите вклучени наставници (Лидија Карапееска, Наташа Милеска-Михалоска, Верче Велеска, Марина Ангелеска, Моника Јанкулоска, Јулијана Талеска, Весна Јонзоска, Зорица Трајаноска, Наташа Колеска, Соња Петреска, дефектологот Светлана Миоковиќ-Томеска и директорот Зоран Сребреноски) беа мотивирани и сензибилизирани да продолжат и понатаму во процесот на инклузија на учениците со посебни образовни потреби.

Настанот беше проследен од следните медиуми:

Локална самоуправа – Прилеп https://www.youtube.com/watch?time_continue=234&v=8Wo_79QfVB8

Канал „Визија“ – https://youtu.be/4Ii5rLa-e7g

Радио „Пела“- http://radiopela.mk/da-dademe-poddrshka-na-litsata-so-autizam-i-na-nivnite-semejstva/

„Инфо-компас“ – https://www.youtube.com/watch?v=Zvz1WR3lF88&feature=youtu.be

„24 мк“ –  https://www.24.mk/details/gradskiot-saat-vo-prilep-kje-sveti-sino-5-dena?fbclid=IwAR0IGk8WCpGUskH2gz1KGatW1j8jlYWGi89P1NZ56jQnq-BCOypHZM82_iQ

„Нова Македонија“ – https://www.novamakedonija.com.mk/makedonija/republika/%D0%B0%D1%83%D1%82%D0%B8%D0%B7%D0%BC%D0%BE%D1%82-%D1%82%D1%80%D0%B5%D0%B1%D0%B0-%D0%B4%D0%B0-%D1%81%D0%B5-%D0%BE%D1%82%D0%BA%D1%80%D0%B8%D0%B5-%D0%BD%D0%B0%D0%B2%D1%80%D0%B5%D0%BC%D0%B5/?fbclid=IwAR1cDsggJqwI66afLQOWEGFPCTiRNLbTZC-1OACuvUGUOZ6ZyjEfFA_40OY