Обземени од харлем еуфоријата и ние направивме еден, ама ова не е харлем – шејк, туку е ДРАМА ШЕЈК 🙂

Нашите ученици покажаа дека можат да ги користат интерпункциските и правописните знаци, не само во текстовите, туку и за креативни цели. Сега можат да разговараат на интернет со своите пријатели на скајп и месеинџер без пишување букви 🙂

This slideshow requires JavaScript.

учениците од VI – 6 од ООУ „Добре Јованоски“ на часот по македонски јазик беа во градската библиотека „Борка Талески“.

Имавме прекрасно дружење. Тргнавме пешки од училиштето, денот беше прекрасен, сончев и пријатен за прошетка. Во библиотеката, на наше огромно задоволство бевме пречекани од самиот директор. Тој не` шеташе низ штандовите, не` однесе во просторијата каде што се чуваат книгите, ни ги покажа новите изданија, потоа бевме во реновираната просторија за промоции и состаноци. Учениците ги разгледуваа книгите, поставуваа прашања и добија желба да се зачленат во библиотеката.

Нашиот прекрасен ден може да се види на следниве фотографии…

Наставното подрачје МЕДИУМСКА КУЛТУРА отвора многу можности за интересни часови. Еден до нив беше часот во ООУ „Добре Јованоски“.

Учениците на претходниот час учеа за електронски и печатени медиуми.

За полесно да ги разберат, тие истражуваа за печатените медиуми. Си одбраа по една област и секој доби празен лист на кој од девте страни требаше да го уреди со содржина. Учениците направија детско списание „Детска радост“. Редакцијата беше многу ангажирана и сериозна 🙂

На мое огромно задоволство а воедни и на задоволство од учениците и мојата колешка Добрица Маркоска, успеавме да реализираме еден заеднички час. Имено, идејата беше заедничка, да напправиме дружење кое ќе поврзи две генерации: вторачиња и осмоодделенци. Најпрво одбравме текст од „Другарче“ кој нудеше одлична можност за реализација на соработката. Текстот „Шумски маскембал“ го вежбавме на часовите од драмската секција, а малите вторачиња го читаа и правеа негова анализа на на час. Кога драмската дружина го совлада текстот, се маскирваме, се нашминкавме и оп! се најдовме на часот по македонски…

Дружењето беше прекрасно, подоцна вторачињата ни се претставија со ниво видување на преставата.

This slideshow requires JavaScript.

Во соработка со наставникот по ликовно образование Дарко Талески, нашето училиште зеде учество во проектот Fun education stop motion animation, проект кој е направен од наставници и ученици и има освоено прво место на Европскиот Форумот за иновативни наставници.

Неколку наставници од училиштето по различни предмети направивме видеа со определени наставни единици кои можеме да ги коиристим во наставата.

Јас ја зедов наставната единица Поим за романса. Песната која што ја обработуваме на час се вика „Стојан и Бојана“
Во овој проект учествуваа учениците:

Антонио Илиоски  VIII одд. – како наратор

Катерина Паскоска VIII одд.  – цртежи

Гордана Иваноска, Евгенија Јакимоска и Теа Велкоска од VII одд. поместување на фигури и фотографирање.

На наше огромно задоволство оваа година повторно ни дојде во нашата училница актерот Александар Тодески. Со осмооделенците помина прекрасни часови во кои сите научивем по нешто за театарот и за филмот.

Освен дискусијата која што течеше целиот час, учениците имаа можност да видат дел од претставата „Волшебникот од Оз“ и голем број фотографии на кои глуми нашиот актер.

На крајот од часот учениците изглумија делови од претставите што ги спремаме во драмската секција.

This slideshow requires JavaScript.

This slideshow requires JavaScript.

За овој проект имаме зборувано во текстовите подолу, целосната негова реализација се оствари пред некој ден.

Овој албум дава осврт на сите случувања на проектот.

Проектот се состоеше од повеќе етапи:

1. Почетна работилница со наставници, запознавање со активностите
2. Работилница со директори
3. Оформување на драмска група
4. Вежбање на драмскиот перформанс
5. Работилница и театарски натпревар
6. Снимање на материјалот
7. Снимање на трите победнички групи во с. Небрегово
8. Доделување на дипломи и компакт дискови со снимениот материјал

Учениците од VII3 одделение ја покажаа својата креативност при снимањето на кратките еко филмови. Всушност целта на тоа снимање беше дел од програмата Еко-училиште. Тие на часовите се запознаваа со термините: филмска идеја, синопсис, сценарио, книга на снимање… и се обидоа да направат кратко сценарио за филмови со еколошка содржина. Кратките филмови се аматерски и снимани се од мобилен телефон и фото апарат, но желбата и обидот се за поздравување.