Овој краток филм е дело на Драмската секција од ООУ „Климент Охридски“ од Прилеп. Со него учествуваме на Единаесеттиот меѓународен детски фестивал „Креативна магија“.
(11.DEČJI MEĐUNARODNI FESTIVAL „KREATIVNA ČAROLIJA“ Mionica-Banja Vrujci) кој ќе се одржи на 17-18 април, 2015.

Филмот беше мотивиран од конкурсот на тема „Сите детски патеки водат од игра до слобода“. На сценариото работеше целата секција. Идеите доаѓаа брзо и целото снимање беше една прекрасна авантура. Дел од овој проект е и ученикот Горан Попоски, кој со својата камера и умешност, направи овие идеи да станат реалност. Со кадрите сакавме да го оправдаме насловот. Секоја детска игра е симбол на слободата. Штом играме, ние сме слободни!!!

Еве дел од моментите на снимањето:

This slideshow requires JavaScript.

Учениците од осмите одделенија денес беа во посета на Противпожарната станица во Прилеп. Станицата има нови простории кои овозможуваат подобри услови за работа. Бевме топло примени од командирот Станко Колески – на кој му се заблагодаруваме срдечно за времето што го оддели и за едукатицијата која што децата на практичен начин ја стекнаа. Овој отворен час покажа дека дечињата учат многу повеќе кога има различна атмосфера од училничката и кога пред нив стојат професионалци во областа која им е наставна единица.

This slideshow requires JavaScript.

Интересно е што по толку години на денешните деца им е интересна „Солунски патрди“… немам зборови дека тоа е навистина ремек дело, ќе се осмелам да кажам дури и подобра од „Дундо Марое“, па можеби поради тоа и актуелноста уште постои. Не сакам да мислам дека тоа е така бидејќи нема ништо подобро излезено…

…ајде да не ја расипувам прекрасната пригода за оваа објава. Имено моите прекрасни шестачиња покажаа огромни актерски потенцијали. На часовите ја драматизиравме пиесата „Измама“ – М.П. Што ни се случуваше само ние си знаеме 🙂

This slideshow requires JavaScript.

Денес, на часот на Одделенската заедница ја работевме работилницата „Цвеќе на пријателството“. Дел од темата: Формирање, одржување и прекинување врска. Учениците од VI – 2 научија дека без меѓусебна поддршка, соработка, доверба и почитување нема другарство и пријателство.

Работилницата се состоеше од воведен круг – загревње со играта: „Ветрот дува“,

потоа сите седат во круг. Во кругот има една празна столица. Лицето до кого од десната страна се наоѓа празната столица повикува некој да седне на неа на следниот начин: „Го повикувам, име на некој ученик, да седне до мене затоа што…
.” Во продолжение на реченицата секој кажува нешто позитивно за лицето што го повикува, нешто добро што направил или некоја негова позитивна карактеристика. Откако повиканото лице ќ е седне на празното столче, се појавува ново празно столче. Лицето на кое новото празно столче му се наоѓа од десна страна повикува некј друг да седне на него по истиот принцип како претходно. Се продолжува сè додека сите не бидат повикани од некого да седнат до нив. Лицето што е повикано еднаш, не може да биде повикано повторно од некој друг.

Учениците се поделени во пет различни групи. Наставникот ги прашува учениците дали знаат што му е потребно
на едно цвеќе за да расте. Децата наведуваат одговори, а наставникот само ги повторува во знак на одобрување и
потпрашува што уште. Потоа, на секоја група и` дава текст кој одговара на поимите што се дел од ливчињата на цветот. По задачата се започнува дискусија:

Учениците се делат во парови. Едниот од парот е водач, а другиот го следи. Тој што следи треба да ги затвори очите, а водачот ќ е го фати за рака/рамо и ќ е треба да го прошета околу училницата и при тоа цело време да внимава да биде безбеден, да не се удри некаде. Потоа паровите ги менуваат улогите.

Во понеделникот учениците од VI – 2 одделение работеа работилница: НИШТО НЕ УСПЕВА ТОЛКУ ДОБРО КАКО УСПЕХОТ.

Работилницата се состоеше од неколку етапи низ кои учениците дознаа многу работи поврзани со успехот и неуспехот. Во самата игра видоа дека заедно можат да постигнат успех, да ја завршат успешно задачата, но имаше и моменти кога тој успех им го препуштаа на други. Како се чувствуваа по тие вежби споделија во училница, поткрепувајќи ги емоциите со случки од својот живот во кои постигнале успех или неуспех.

Оваа работилница помогна и за градење на групата, за забава и за добро дружење со балоните кои подоцна ги испукавме за да не правиме проблеми на наредните часови 🙂

This slideshow requires JavaScript.

И оваа година на Драмската секција од нашето училиште и` беше дадена довербата да ја води Годишната програма. За оваа задача напорно работевме уште од почетокот на годината. Како се наближувше денот, еднонеделните проби стануваа премалки, па моравме да го зголемуваме нивниот број. Сепак среќни сме што бевме срдечно поздравени од публиката и вработените во училиштето на чело со директорот Дарко Јовески.

Драмскиот перформанс ги извлече на виделина сите предрасуди и стереотипи на нашето секојдневие, поврзани со наставниците, родителите, членовите на совет на родители, неправдите при изборот на точки…

всушност се` што ни се случува или ние си преувеличуваме дека се случува. Сепак, според зборовите на кутрите истепани водители: НАСТАНИТЕ И ЛИКОВИТЕ БЕА ИЗМИСЛЕНИ, СЕ ОГРАДУВАМЕ ОД СЕКОЈА ПОВРЗАНОСТ СО КОНКРЕТНИ НАСТАНИ И ЛИЧНОСТИ…

This slideshow requires JavaScript.

Еве како беше во живо 🙂  Само се извинуваме за лошото сечење на деловите, подобро не можевме 🙂

Уживајте!!!

https://www.youtube.com/watch?v=KHgxnFvgaek

https://www.youtube.com/watch?v=14iUXvkA5G0

https://www.youtube.com/watch?v=yQY3s1dVsGU

https://www.youtube.com/watch?v=7g204gGfAgI

https://www.youtube.com/watch?v=U7eWD5iLLRE

На мое огромно задоволство а воедни и на задоволство од учениците и мојата колешка Добрица Маркоска, успеавме да реализираме еден заеднички час. Имено, идејата беше заедничка, да напправиме дружење кое ќе поврзи две генерации: вторачиња и осмоодделенци. Најпрво одбравме текст од „Другарче“ кој нудеше одлична можност за реализација на соработката. Текстот „Шумски маскембал“ го вежбавме на часовите од драмската секција, а малите вторачиња го читаа и правеа негова анализа на на час. Кога драмската дружина го совлада текстот, се маскирваме, се нашминкавме и оп! се најдовме на часот по македонски…

Дружењето беше прекрасно, подоцна вторачињата ни се претставија со ниво видување на преставата.

This slideshow requires JavaScript.