Нашето училиште и оваа година зеде учество на повеќегодишниот проект  „УЧИЛИШТЕТО ВО МУЗЕИТЕ ИЛИ МУЗЕЈОТ ВО УЧИЛИШТАТА“ кој што е финансиран и одобрен од Министерството за култура.

На наше огромно задоволство, дел од членовите на драмската секција успеаја да го земат второто место и деновиве нетрпеливо чекаат да започнат со филмување на нивниот драмски перформанс.

Наставничките Јулијана Талеска и Лилјана Здравеска беа дел од тимот кој работеше неуморно и успеа да постигне видни резултати.

Учениците настапија со перформансот „Селски живот“ во кој играа типични улоги преку кои се доловуваат верувањата, традицијата и културата на населениоето во селата.

Низ ова драмско дружење тие дознаа многу работи што не ги знаеја за селото.

Исто така овој проект предвидува документирање на материјалот на компакт диск. Наскоро секој ќе може да ги види драмските способности на нашите осум вредни ученици и ученички.

This slideshow requires JavaScript.

На овој страшен, многу страшен ден, нашето училиште се наполни со мали вештерчиња, ѓаволчиња, духчиња… имаше и костури и лоши вили… страшно страшно беше…

Се собрале во ООУ „Кочо Рацин“, се договриле и дошле кај нас, кај нашите вештерчиња, духчиња и ѓаволчиња 🙂

И така заедно направија гоооолема журка, јадеа тикви, слатки и пиеја некои чудни напитоци во боја. (хоооооооо хооооо хоооо)

This slideshow requires JavaScript.

Нашето училиште денес имаше три прекрасни поводи за славење. Сите три еднакво и достојно ги одбележа. Најпрво со свечена програма беше чествуван СВЕТСКИОТ ДЕН НА УЧИТЕЛИТЕ, потоа на сите дечиња од училиштето им се честита ДЕТСКАТА НЕДЕЛА и на крајот нашите драги првачиња беа собрани во наставничката канцеларија каде што им беше приредена кратка програма од своите постари другарчиња. Поводот беше делење на ученичките легитимации. Овие мали и слатки првачиња добија „пасош“ за престој во светот на знаењето.  Дел од прекрасната ќе ви го доловиме со долуприкажаните фотографии и едно видео од прекрасниот настап на „Кирилица“ од Влатко Стефановски.

Денес, учениците од VI – 6 одделение од ООУ „Добре Јованоски“ направија еко – проект. Идејата беше да се истражува на интернет за еколошки пораки, од кои што подоцна се селектираа најдобрите и се запишуваа на хартија во боја. Потоа пораките се лепеа на хамер кој сега ја краси нивната училница. Овој проект ги научи децата да бидат поодговорни и посвесни во однос на трошењето електрична енергија, вода, грижата за природата и училиштето и училишниот двор. Низ игра и забава тие сфатија дека е многу важно да се има еко-свест.

ЗАПОЧНА НОВАТА УЧЕБНА ГОДИНА!!!

А со кого би можела да започне, ако не со нашите мали и слатки првачиња. И оваа година вредните наставници од нашето училиште организираа свечена програма. Првачињата беа топло пречекани од своите наставници и наставнички. Со куп подароци се упатија кон училниците… нека им е нив среќна новата учебна година.

This slideshow requires JavaScript.

По повод 24 Мај – денот на сесловенските просветители Кирил и Методиј, веќе традиционално, детските градинки од градот организираат хепенинг. Оваа година нашето училиште имаше чест да го води ова случување. Нашите осмоодделенци Јане Јанески и Марија Зероска беа водители на хепенингот, чиешто сценарио беше напишано од нивата наставничка 🙂

Прекрасниот хепенинг беше составен од два блока. Првиот посветен на ндечињата од градинките, а вториот за учениците од основните училишта. Нашето училиште настапи со балетот Кан-кан и рециталот Маѓепсникот и птиците.

Целиот град беше излезен на градскиот ѕид и уживаше во шарените бои на дечињата кои се заблагодаруваа за големите дарови од нашите учители Кирил и Методиј.

This slideshow requires JavaScript.

На огромна радост на сите ученици од градот Прилеп, повторно можевме да бидеме дел од Ревијалната вечер. Секое училиште настапуваше со три најдобри точки. Уште поубаво беше тоа што овој настан беше со хуманитарен карактер, поточно влезниците од претставата ќе бидат донирани за иградба на црквата „Света Петка“ во Точила. Нашето училиште зеде учество со два балети и една рецитација. Го добивме второто место. В година се андеваме на прво 🙂

This slideshow requires JavaScript.

Овогодинештната Годишна програма на нашето училиште имаше прекрасно мото: ДА СЕ САКАМЕ, тоа беше идеја на нашата наставничка по француски јазик, Ленче Вренцоска, која ја промовира во точката посветена на говорот на Виктор Иго, многу години пред да се создаде Европската Унија, овој голем ум го дава тој предлог за збратимување. Основа на тоа збратимување е нашето мото ДА СЕ САКАМЕ.

Навистина, во едно вакво време, во кое уште треперат бури од нетрпеливост, можеме да го преживееме само ако се сакаме меѓусебе.

Затоа нашето училиште реши да ја напише оваа мировна порака на сите јазици што се користат во нашето училиште и во нашата држава. Тоа е само еден знак на добра волја, знак дека се радуваме на мултикултурното и мултиентичкото општество во кое што живееме и дека сакаме сите заедно да живееме во мир и слога.

Годишната програма помина прекрасно, водена беше од осмоодделенците од драмската секција, необично водење – низ драматизации и разговори, за прв пат на едно вакво слување. Сето тоа беше проследено со позитивни критики и силен аплауз. Нашата драмска секција се претстави со драматизацијата „Писмо“. Повторно покажаа дека се големи надежи на драмската уметност во нашиот град.

This slideshow requires JavaScript.

This slideshow requires JavaScript.

Огромна чест и задоволство ни претставуваше тоа што нашата победничка маска „Навиваме за Македонија“ беше дел од отворањето на спортската манифестација ГИМНАЗИЈАДА 2012. Нашите навивачи продефилираа на отворањето и им посакаа среќа на натпреварувачките тимови.

index.php?option=com_content&task=view&id=1509&Itemid=1

Една од најинтересните лектири за осмите одделенија е драмата „Чорбаџи Теодос“. Освен што учениците можеа да и` се восхитуваат читајќи ја и драматизирајќи ја, тие имаа можност и да ја видат нејзината изведба. Часот течеше во смеа и восхит на добро познатите актери, кои за жал денес поголем дел од нив ги нема. Ликовите на Теодос, Евка, Наца, Томче, особено ликот на Арсо, па Поцко, Доцко, Цонка… оставија голем впечаток кај учениците.